အမျိုးသားလုံခြုံရေးဆိုင်ရာ အကြံပေးပုဂ္ဂိုလ်

အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ် ဘယ်သူ့ကို ခန့်လိုက်တယ်ဆိုတာထက် ပြည်ထောင်စုဝန်ကြီးအဆင့် သတ်မှတ်တဲ့ ဒီရာထူးကို NLD အစိုးရအနေနဲ့ ဘာကြောင့် ဖန်တီးရသလဲဆိုတဲ့အချက်က ပိုစိတ်ဝင်စားစရာ ကောင်းတယ်။

လုံခြုံရေးဆိုင်ရာ ဝန်ကြီးဌာန သုံးခုလုံးကလဲ ကာကွယ်ရေးဦးစီးချုပ်ရဲ့ တိုက်ရိုက် ကွပ်ကဲမှုအောက်မှာရှိတယ်။ တစ်နှစ်နီးပါး အစိုးရသက်တမ်းအတွင်းမှာ မရှူနိုင် မကယ်နိုင် ပေါ်လာတဲ့ ပြဿ နာတွေကလဲ စစ်တပ်ပါဝင်ပတ်သက်နေတဲ့ လုံခြုံရေးဆိုင်ရာကိစ္စရပ်က အများစုဖြစ်နေတယ်။ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်ရာထူးကို ဖန်တီးခြင်းအားဖြင့် အရပ်သားအစိုးရနဲ့ စစ်တပ်ကြားမှာ ဆက်သွယ်ရေးလမ်းကြောင်းသစ်တစ်ခု ဖောက်တဲ့သဘော၊ လုံခြုံရေးကိစ္စကို အထူးပြု ကိုင်တွယ်ဖြေရှင်းနိုင်မယ့်သူ ရှာတဲ့သဘောပဲ။

ဒါပေမဲ့ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်ဟာ ဖွဲ့စည်းပုံအခြေခံဥပဒေအရ အမျိုးသားကာကွယ်ရေးနဲ့ လုံခြုံရေးကောင်စီအစည်းအဝေးမှာ တက်ရောက်ခွင့်ရှိသူစာရင်းထဲ မပါဘူး။ အစိုးရ မနှစ်က လုပ်ခဲ့သလို တကယ့် ကာ/လုံအစည်းအဝေး အပြည့်အစုံမခေါ်ဘဲ ကာကွယ်ရေး၊ လုံခြုံရေးကို ဆွေးနွေးတဲ့ အစည်းအဝေးဆိုပြီး မလိမ့်တစ်ပတ် ခေါ်တက်ခိုင်းရင်တော့ ရမယ်။

အရပ်ဘက်-စစ်ဘက်ဆက်ဆံရေးရှုထောင့်က သုံးသပ်ရင်တော့ တိုးတက်မှုရယ်လို့ ပြောလို့မရဘူး။ လူပုဂ္ဂိုလ်အပိုင်းလဲ ပါလာမယ်။ ဒီမိုကရေစီနည်းလမ်းကျ အရပ်သားက စစ်သားရဲ့ လေးစားလိုက်နာမှုကို လိုချင်တယ်ဆိုရင်တော့ သင့်မြတ်မှုတစ်ခုထဲကိုပဲ ကြည့်လို့မရဘူး။ ခန့်အပ်ခံရတဲ့ပုဂ္ဂိုလ်ရဲ့ အရင်ရှိခဲ့ဖူးတဲ့ တပ်နဲ့ ဆက်ဆံရေးအင်အား၊ သူ့ရဲ့ စစ်အစိုးရလက်ထက် လုပ်ဆောင်ချက်တွေကို လေ့လာသုံးသပ်ကြည့်မှ အခုရာထူးမှာလဲ သူဘာလုပ်မယ်ဆိုတာကို သိနိုင်မယ်။

ခေါက်ရိုးကျိုး ဗြူရိုကရက်ဟောင်းတွေကို အလုပ်ဖြစ်ရေးအတွက် ကြားလူသဘောမျိုး စဉ်းစားတယ်ဆိုရင်တော့ တစ်မျိုးပေါ့။ အသစ်အဆန်းတွေ၊ ထူးထူးခြားခြားတွေလဲ ဖြစ်လာမှာ မဟုတ်ပါဘူး။

ဆရာကန်တော့ပွဲနဲ့ လူမှုဖူလုံရေးလုပ်ငန်း

ဆရာကန်တော့ပွဲဆိုတာ စစ်အစိုးရလက်ထက်မှာ အငြိမ်းစားနဲ့ သက်ကြီးဆရာများ သက်သာချောင်ချိရေးအတွက် ကျယ်ကျယ်ပြန့်ပြန့် ကျင်းပလာ၊ ရေပန်းစားလာခဲ့တဲ့ ယန္တရား (mechanism) တစ်မျိုး၊ ဓလေ့တစ်ခုဖြစ်တယ်။ မဆုံတွေ့ရတာကြာတဲ့ အတန်းဖော်ဟောင်း၊ မိတ်ဆွေဟောင်းတွေလဲ ပွဲလာရင်း ပျော်ပျော်ပါးပါး လက်ဆုံစားကြ၊ ရှေးဖြစ်ဟောင်းနှောင်းဖြစ်ပြော ပြန်ဆုံနိုင်ကြတာကလဲ အကျိုးတစ်ခုပေါ့။

မြန်မာ့ဓလေ့မှာ ဆရာရယ်လို့ ဆိုလိုက်ရင် သင်ဆရာ၊ မြင်ဆရာ၊ ကြားဆရာ အကုန်ပါတာမို့ ဆရာခေါ်ရမယ့်သူ များလှတယ်။ ဆရာကန်တော့တယ်ဆိုတာ ပူဇော်ထိုက်သူကို ပူဇော်တာလို့ ပြောရင် ပူဇော်သင့်တဲ့သူတွေက အတော်များတယ်။ တကယ်တော့ ကျောင်းဆရာဆိုတာ သူ့အသက်မွေးဝမ်းကြောင်းအလုပ် သူလုပ်တာပဲ။ ကျောင်းပြင်ပမှာ ထူးချွန်ပေါက်မြောက်သွားတဲ့ တပည့်တွေရှိလဲ ကျောင်းက သင်ပေးလိုက်တဲ့ပညာ၊ သင်ပေးလိုက်တဲ့ဆရာတွေရဲ့ ကျေးဇူးနဲ့ သိပ်ကြီးကြီးမားမား မသက်ဆိုင်ဘူး။ သူလေ့လာလို့ သူတတ်တာ။ သူကြိုးစားလို့ သူတော်တာက ပဓာနပဲ။ ကျောင်းထဲမှာ သင်ကြားရေး သို့မဟုတ် သုတေသနအလုပ်တစ်ခုခု ပြန်လုပ်ရင်မှ ဆရာက ကြည့်ရှုစောင်မပေးရလို့ နည်းနည်းဆိုင်ဦးမယ်။ 

အနောက်နိုင်ငံတက္ကသိုလ်တွေမှာတော့ ဆရာကန်တော့ပွဲဆိုတာမရှိဘူး။ သက်ဆိုင်ရာ ဘာသာရပ်ဌာနအလိုက် ဆရာတွေနဲ့ ဝန်ထမ်းတွေ နှစ်စဉ် ဌာနညစာစားပွဲ လုပ်ကြတာရှိမယ်။ ဒါလဲ လက်ရှိ ဌာနမှာ အလုပ်လုပ်နေဆဲနဲ့ အငြိမ်းစားသွားကြသူတချို့ရယ်၊ ကျောင်းသားကိုယ်စားလှယ်တစ်ဦး နှစ်ဦးရယ်ပဲ ဖိတ်တဲ့အထဲပါတယ်။ အတန်းအလိုက် စာသင်နှစ်ဝက်အပြီး တာဝန်ခံဆရာနဲ့ သူ့တပည့်တွေ တစ်တန်းလုံး အတန်းညစာထွက်စားကြတာရှိမယ်။ ဒါကတော့ အလုပ်သဘောကနေ လူမှုရေးနည်းနည်းဖြည့်ကြတဲ့ သဘောပဲ။

ဒေါက်တာမြင့်ဇံထောက်ပြသလို ဆရာကို ကျောင်းသားက အကဲဖြတ်ပေးရတဲ့စနစ်မျိုး မြန်မာနိုင်ငံအဆင့်မြင့်ပညာရေးမှာ မကျင့်သုံးနိုင်သေးတာကတော့ လိုအပ်ချက်တစ်ရပ်ပဲ။ ပညာသင်ကြားတဲ့ပုံစံက တစ်လမ်းသွားပုံစံ ဖြစ်နေရုံမက ပညာနဲ့ဆရာဆိုတဲ့အယူအဆကို လူ့အဖွဲ့အစည်းက လက်ခံနားလည်ထားပုံကလဲ ဒီပုံစံကိုပဲ ထပ်အားပေးနေတယ်။ "တပည့်မရှား တစ်ပြားမရှိ၊ ပီတိကိုစား အားရှိပါ၏" ဆိုပြီး စစ်အစိုးရလက်ထက်က သွပ်သွင်းခဲ့တဲ့ ဆောင်ပုဒ်မျိုးကလဲ အစွန့်လွှတ် အနစ်နာခံဆရာဆိုတဲ့ ပုံရိပ်ကို (မှန်သည်ဖြစ်စေ၊ မှားသည်ဖြစ်စေ) ပိုမိုခိုင်မာစေခဲ့တယ်။ ဆရာကို တစ်ပြားမရှိအောင် ထားတဲ့စနစ်ကိုက အမှားပဲ။ ပီတိက စားလို့လဲမရ၊ တကယ်လဲ အားမဖြစ်ပါဘူး။ ဆောင်ပုဒ်အနေနဲ့ကတော့ ရွတ်လို့ ကောင်းတာပေါ့။ သြဝါဒကထာအနေနဲ့လဲ ကြားလို့ကောင်းတာပေါ့။

ဆရာကန်တော့ပွဲဆိုတာ ဆရာအိုတွေရဲ့ လူမှုဖူလုံရေးအတွက် နိုင်ငံတော်က လုပ်ကိုင်ဆောင်ရွက်ပေးရမယ့်အစား ကျောင်းသားဟောင်းများက ဝင်ရောက်ထောက်ပံ့ပေးရတဲ့ သဘောဖြစ်ပါတယ်။ (January 2, 2017)

Floating Democrats ပေါလောမြော ဒီမိုကရက်များ

အင်ဒိုနီးရှားမှာ ဆူဟာတိုအလွန်ကာလ ဒီမိုကရေစီရေး တက်ကြွလှုပ်ရှားသူတွေဟာ စနစ်ဟောင်းကလူတွေ မငြိုငြင်ရအောင် အလိုလိုက် အကြိုက်ဆောင်၊ ပေါင်းသင်းလုပ်ကိုင်ရင်း မိမိတို့ ပေါက်ဖွားရာ အခြေခံ အရင်းအမြစ်များနဲ့ တဖြည်းဖြည်း ကင်းကွာလာခဲ့တယ်။
ကိုယ့်အကျိုးစီးပွား၊ ကိုယ့်အဖွဲ့အစည်းရဲ့ ရပ်တည် ကြီးပွားရေးကိုပဲ ကြည့်ပြီး အစိတ်စိတ် အမြွှာမြွှာ အဖြစ်ခံလာကြတယ်။ နိုင်ငံရေးက အခွာခံပြီး အရပ်ဘက်လူ့အဖွဲ့အစည်းမှာပဲ လူစွာလုပ်လာကြတယ်။ 

အရင်အစိုးရရဲ့ အကျိုးစီးပွားတွေကို ကာကွယ် စောင့်ရှောက်ပေးဖို့ နိုင်ငံရေးစနစ်သစ်ကို ပုံသွင်းကြတဲ့အခါမှာ အရင်ကနိုင်ငံရေးတက်ကြွလှုပ်ရှားသူများဟာ အခု ပေါလောမြောနေတဲ့ ဒီမိုကရက်တွေ (Floating Democrats) ဖြစ်လာတော့တယ်။

ဒို့ဆီမှာရော Floating Democrats တွေ များလာနေပြီလား။ အမြစ်တွေမှ မရှိတာ။ ဘယ်လို ရှင်သန်နိုင်ကြမလဲ။ (December 16, 2016)

ဘုတ်ထားခြင်း မထားခြင်း

ပါရမီအင်စတီကျုတည်ထောင်သူက VOA အင်တာဗျူးမှာ သူ့အင်စတီကျုအနေနဲ့ ဘာကြောင့် Board of Trustee မထားချင်သေးသလဲဆိုတာကို ပြောသွားတယ်။ မြန်မာပြည် NGO က ဘုတ်အဖွဲ့ဝင်တွေဟာ ထိုင်ရုံပဲ ထိုင်ချင်ပြီး အလုပ်မလုပ်ချင်ဘူးလို့ ဆိုလိုဟန်ရှိတယ်။

အဖွဲ့တိုင်းအတွက် မမှန်ပေမယ့် ကျွန်တော့်အတွေ့အကြုံအရ ဘုတ်ထဲမှာ လုပ်ငန်းကို တကယ် စိတ်မဝင်စားတဲ့ ရေသာခိုအချောင်လိုက်သူ (free rider) နှစ်ယောက် သုံးယောက်လောက် ပါလာရင်တောင် ဆုံးဖြတ်ချက်တွေဟာ အဆက်မပြတ် ထိတွေ့ဆက်ဆံနေတဲ့ ဘက်တစ်ဘက်ကို ယိမ်းသွားတတ်တယ်။ လုပ်နေရတဲ့ အုပ်စုကလဲ တို့က သိသမျှ တတ်သမျှ လုပ်ပေးနေတယ်ဆိုတဲ့ သဘောထားဝင်လာပြီး program နဲ့ agenda တွေကို အုပ်စီးမိသလို ဖြစ်လာတတ်တယ်။ လုပ်ချင်တာတွေ တူနေသရွေ့၊ ရေသာခို အချောင်လိုက်တဲ့သူက လိုက်နေသရွေ့ကတော့ ပြသနာမရှိဘူး။ မတူတဲ့ အချိန်ကျရင်သာ စည်းမျဉ်းစည်းကမ်းတွေ ချရေးထားတာမရှိရင်၊ ထိတွေ့ဆက်ဆံဖို့ မက်လောက်စရာ ဖွဲ့စည်းပုံ (incentive structure) မျိုး ရှိမနေရင် အကျပ်တွေ့တာပဲ။ 

ဒါ့ပြင် ဘုတ်ကလဲ သူ့ကိုယ်သူ လည်တယ်လို့ ထင်မယ်။ Executive Director ကလဲ သူ့ကိုယ်သူ ကျွမ်းကျင်လိမ်မာတယ်၊ ဘုတ်ကျေနပ်အောင် လုပ်ပေးနိုင်တယ်လို့ ထင်တယ်ဆိုတာမျိုးလဲရှိတယ်။ ဘုတ်ကို သူပိုင်တယ်ပေါ့။ သူကပါ ဘုတ်ထဲမှာ ပါနေရင် ပိုရှုပ်ပြန်တယ်။ Staff လုပ်ရမယ့်ကိစ္စတွေကို board က အစအဆုံး လိုက်လုပ်ပေးရင်းနဲ့ ဘုတ်အဖွဲ့ဝင်အနည်းစုနဲ့ executive ကပဲ ကိုယ်ဖြစ်ချင်တာ ကိုယ်လုပ်သွားတာ၊ ဆုံးဖြတ်ချက်တွေပေးနေတာမျိုး ဖြစ်သွားတတ်တယ်။ စိတ်တူသဘောတူ၊ ရည်ရွယ်ချက်တူ တည်ထောင်ပြီး ဖွဲ့ထားတဲ့ ဘုတ်တွေမှာတောင် အချိန်ကာလအလျောက် တချို့ ဘုတ်အဖွဲ့ဝင်တွေသော်လည်းကောင်း၊ executive သော်လည်းကောင်း လူရည်လည် လူပါးဝလာတာမျိုးတွေ အများကြီး ဖြစ်နိုင်ပါတယ်။ (December 11, 2016)

တောင်ပြော မြောက်ပြောပွဲများ

မြန်မာ့အန်ဂျီအိုလောကမှာ အဆီအငေါ်မတည့်ဆုံး ဖြစ်နေတဲ့အရာကတော့ တစ်ဖက်မှာ အများပြည်သူပါဝင်ရေးအော်ပြီး အခြားတစ်ဖက်မှာ နိုင်ငံတကာက ဖိုရမ်ကြီးတွေလို ဖိုရမ်တွေလုပ်၊ လူရာဝင်ချင်တဲ့ အီလစ်တွေကိုဖိတ်ပြီး တောင်ပြော မြောက်ပြော ထင်ရာတွေပြောခိုင်းတာပဲ။

ဒီလိုလုပ်တာဟာ မူဝါဒရေးရာ အကျိုးသက်ရောက်မှု သို့မဟုတ် လူထုရဲ့ စေ့စပ်ညှိနှိုင်းစွမ်းကို တကယ် တိုးမြှင့်ပေးနိုင် မပေးနိုင်တော့ မသေချာဘူး။ သူလို ကိုယ်လို အများပြည်သူကလဲ ပွဲကထွက်လာတဲ့ ဘယ်အစီအရင်ခံစာကိုမှ စိတ်ဝင်စားမှာ မဟုတ်ဘူး။ နိုင်ငံရေးသမားကလဲ သူ့အလုပ်နဲ့ သူရှုပ်နေလို့ ရလာသမျှ စာအုပ်တွေကို ချောင်ထိုးထားလိုက်မှာပဲ။ နောက်မှ ဖတ်မယ်ဆိုပြီး ဘယ်တော့မှ မဖတ်ဖြစ်ဖို့ပဲ များလိမ့်မယ်။ 

အန်ဂျီအိုတွေအတွက်ကတော့ တစ်အချက်၊ နှစ်ကုန်မှာ ငွေဖြုန်းလို့ ကောင်းတယ်။ နှစ်အချက်၊ နာမည်ကြီးတွေချင်း ဆုံရတော့ ပျော်ဖို့ကောင်းတယ်။ အဖိတ်ခံရတဲ့သူကလဲ သူ့ကို အသိအမှတ်ပြုတယ်။ ဆီလျော်အောင် လုပ်ပေးတယ် (ဒါက အင်္ဂလိပ်လိုတွေးပြီး ဗမာလိုရေးတာ) ဆိုပြီး ကျေးဇူးတင်မယ်။ ကိုယ်နာမည်ကြီးတယ်ဆိုတာလဲ ထပ်အတည်ပြုပြီး ဖြစ်တယ်။

ပွဲက ထွက်လာတဲ့ အကြံဥာဏ်တွေကတော့လား။ ထင်မြင်ချက်ဆိုတာ ကမ္ဘာပေါ်မှာ အပေါဆုံးအရာလို့တောင် သိုးဆောင်းတွေက တစ်ခါတစ်ရံ ပြောကြလေ့ရှိတယ်လေ။ လူတိုင်း ကိုယ်ထင်ရာကို နိုင်ငံရေးသုံးသပ်ချက်အနေနဲ့ လျှောက်ရေးနေကြတဲ့ အခုလို ခေတ်ကြီးမှာ ပိုဆိုးတာပေါ့။
လူထုကို သူတိုရဲ့ ဘုံအကျိုးစီးပွားတစ်ရပ်အတွက် တစ်ခုခု တည်မပေးနိုင်ဘဲနဲ့တော့ ဘယ်အားကောင်းတဲ့ လှုပ်ရှားမှုမျိုးမှလဲ ဖြစ်လာမှာ မဟုတ်ဘူး။ အန်ဂျီအိုဆိုတဲ့သူတွေ၊ ကိုယ့်ကိုယ်ကို အတွေးတင့်ကားကြီးတွေလို့ပြောနေသူတွေကလဲ ဒါကို လုပ်နေတယ်လို့ မထင်ပါဘူး။ တိုင်းပြည်ကို စနစ်တစ်ခုထဲက ကယ်ထုတ်တယ်ဆိုတာထက် ကိုယ့်ကိုယ်ကို ကယ်နေကြတယ်လို့ပဲ ထင်တယ်။ (December 18, 2016)