အဲန်အယ်လ်ဒီ လွှတ်တော်ကိုယ်စားလှယ်တွေရဲ့ သဘောထား ထုတ်ပြန်ကြေညာချက်ကို တွေ့ပါတယ်။ ဒါပေမဲ့ ဒုတိယအကြိမ်လွှတ်တော်ရဲ့ သက်တမ်းကလည်း ကုန်ပြီးနေပါပြီ။ ဖွဲ့စည်းပုံအခြေခံဥပဒေ ပုဒ်မ ၄၁၈(က) အရ ဖျက်သိမ်းပြီးဖြစ်တယ်လို့ မှတ်ယူရမှာပါ။ တတိယအကြိမ်လွှတ်တော်ကလည်း မစနိုင်ခဲ့ဘူးဆိုတော့ အဲဒီလွှတ်တော်အတွက် လွှတ်တော်ကိုယ်စားလှယ်တွေဟာ အတည်မဖြစ်သေးဘူးလို့ပဲ စစ်တပ်က ပြောမှာဖြစ်တယ်။ ၂၀၂၀ ရွေးကောက်ပွဲ လုပ်ပေးခဲ့တဲ့ ဦးလှသိန်းကော်မရှင်လည်း ပျက်၊ ဦးသိန်းစိုးကော်မရှင်ကို ဖွဲ့ထားပြီးပြီမို့ ယခုပုံအတိုင်းနဲ့ တတိယအကြိမ်လွှတ်တော် မဖြစ်မြောက်နိုင်တော့ပါ။ ဇာတ်လမ်းက တစ်ခန်းရပ်သွားပါပြီ။ တရားတာတော့ မတရားဘူးပေါ့။ ဒါပေမဲ့ တပ်လုပ်ပေးမယ့် ရွေးကောက်ပွဲသစ်ကလွဲလို့ ဘာမှ သိပ်မျှော်လို့မရဘူးပဲ ထင်ပါတယ်။
No comments:
Post a Comment